Chiuman · Reading room

人字拖

Choose a pronunciation system, or hide it and practise reading on your own.

「響街比人踩爛人字拖可以點?」

hoeng2 gaai1 bei2 jan4 caai2 laan6 jan4 zi6 to1 ho2 ji5 dim2?

héung gāai béi yàhn cháai laahn yàhn jih tō hó yíh dím?

我話你知,你可以即刻大叫:「屌你老母你冇撚野呀!

ngo5 waa6 nei5 zi1, nei5 ho2 ji5 zik1 hak1 daai6 giu3: diu2 nei5 lou5 mou2 nei5 mou5 lan2 je5 aa3!

ngóh wah néih jī, néih hó yíh jīk hāk daaih giu: díu néih lóuh móu néih móuh lán yéh a!

踩鳩爛我隻鞋!」

caai2 gau1 laan6 ngo5 zek3 haai4!

cháai gāu laahn ngóh jek hàaih!

之後不停咁撩交嗌。

zi1 hau6 bat1 ting4 gam2 liu4 gaau1 aai3.

jī hauh bāt tìhng gám lìuh gāau aai.

如果你當時係鬧市既話就太好啦,因為不出1分鐘,就一定會有人拎起電話同你影1080p既高清影片!

jyu4 gwo2 nei5 dong1 si4 hai2 naau6 si5 ge3 waa2 zau6 taai3 hou2 laa3, jan1 wai6 bat1 ceot1 1 fan1 zung1, zau6 jat1 ding6 wui5 jau5 jan4 ling1 hei2 din6 waa2 tung4 nei5 jing2 1080p ge3 gou1 cing1 jing2 pin2!

yùh gwó néih dōng sìh hái naauh síh ge wá jauh taai hóu la, yān waih bāt chēut 1 fān jūng, jauh yāt dihng wúih yáuh yàhn līng héi dihn wá tùhng néih yíng 1080p ge gōu chīng yíng pín!

就響呢個時候,你要將你身上所有既戲劇細胞演繹出黎,一時變成莎士比亞,一時變成唐伯虎。

zau6 hoeng2 ni1 go3 si4 hau6, nei5 jiu3 zoeng1 nei5 san1 soeng6 so2 jau5 ge3 hei3 kek6 sai3 baau1 jin2 jik6 ceot1 lai4, jat1 si4 bin3 sing4 saa1 si6 bei2 aa3, jat1 si4 bin3 sing4 tong4 baak3 fu2.

jauh héung nī go sìh hauh, néih yiu jēung néih sān seuhng só yáuh ge hei kehk sai bāau yín yihk chēut làih, yāt sìh bin sìhng sā sih béi a, yāt sìh bin sìhng tòhng baak fú.

咁樣落去,應該成條街既途人都以你為焦點,冇錯,你要即刻拎起你個隻爛左既人字拖,以張學友式既渣咪方法;再以劉德華式震音同時用古巨基式假音;再加上杜麗莎式既大叫;去唱陳百強既「等」。

gam2 joeng2 lok6 heoi3, jing1 goi1 seng4 tiu4 gaai1 ge3 tou4 jan4 dou1 ji5 nei5 wai4 ziu1 dim2, mou5 co3, nei5 jiu3 zik1 hak1 ling1 hei2 nei5 go2 zek3 laan6 zo2 ge3 jan4 zi6 to1, ji5 zoeng1 hok6 jau5 sik1 ge3 zaa1 mai1 fong1 faat3; zoi3 ji5 lau4 dak1 waa4 sik1 zan3 jam1 tung4 si4 jung6 gu2 geoi6 gei1 sik1 gaa2 jam1; zoi3 gaa1 soeng5 dou6 lai6 saa1 sik1 ge3 daai6 giu3; heoi3 coeng3 can4 baak3 koeng4 ge3 "dang2".

gám yéung lohk heui, yīng gōi sèhng tìuh gāai ge tòuh yàhn dōu yíh néih wàih jīu dím, móuh cho, néih yiu jīk hāk līng héi néih gó jek laahn jó ge yàhn jih tō, yíh jēung hohk yáuh sīk ge jā māi fōng faat; joi yíh làuh dāk wàh sīk jan yām tùhng sìh yuhng gú geuih gēi sīk gá yām; joi gā séuhng douh laih sā sīk ge daaih giu; heui cheung chàhn baak kèuhng ge "dáng".

剛渾有力既聲線襯托住柔情既歌,為時10分鐘既個人show完結,好快,咁周圍就會有人比錢你。

gong1 wan4 jau5 lik6 ge3 seng1 sin3 can3 tok3 zyu6 jau4 cing4 ge3 go1, wai4 si4 10 fan1 zung1 ge3 go3 jan4 show jyun4 git3, hou2 faai3, gam2 zau1 wai4 zau6 wui5 jau5 jan4 bei2 cin2 nei5.

gōng wàhn yáuh lihk ge sēng sin chan tok jyuh yàuh chìhng ge gō, wàih sìh 10 fān jūng ge go yàhn show yùhn git, hóu faai, gám jāu wàih jauh wúih yáuh yàhn béi chín néih.

咩錢黎?

me1 cin2 lai4?

mē chín làih?

睇show要比show錢架嘛係咪先?

tai2 show jiu3 bei2 show cin2 gaa3 maa3 hai6 mai6 sin1?

tái show yiu béi show chín ga ma haih maih sīn?

咁你拎到呢啲錢之後,就可以去街口個間士多買番對人字拖著,仲有錢淨去比你篤番串魚強,你就可以若無其事咁番屋企啦。

gam2 nei5 ling1 dou2 ni1 di1 cin2 zi1 hau6, zau6 ho2 ji5 heoi3 gaai1 hau2 go2 gaan1 si6 do1 maai5 faan1 deoi3 jan4 zi6 to1 zoek3, zung6 jau5 cin2 zing6 heoi3 bei2 nei5 duk1 faan1 cyun3 jyu4 koeng4, nei5 zau6 ho2 ji5 joek6 mou4 kei4 si6 gam2 faan1 uk1 kei2 laa1.

gám néih līng dóu nī dī chín jī hauh, jauh hó yíh heui gāai háu gó gāan sih dō máaih fāan deui yàhn jih tō jeuk, juhng yáuh chín jihng heui béi néih dūk fāan chyun yùh kèuhng, néih jauh hó yíh yeuhk mòuh kèih sih gám fāan ūk kéi lā.

番到屋企,唔係洗腳,而係即刻開電腦,開電腦唔係上高登。

faan1 dou3 uk1 kei2, m4 hai6 sai2 goek3, ji4 hai6 zik1 hak1 hoi1 din6 nou5, hoi1 din6 nou5 m4 hai6 soeng5 gou1 dang1.

fāan dou ūk kéi, m̀h haih sái geuk, yìh haih jīk hāk hōi dihn nóuh, hōi dihn nóuh m̀h haih séuhng gōu dāng.

而係……

ji4 hai6...

yìh haih...

上youtube!

soeng5 youtube!

séuhng youtube!

點解呢?

dim2 gaai2 ne1?

dím gáai nē?

因為你好快就見到你個段為時10分鐘既個人show響youtube熱播!

jan1 wai6 nei5 hou2 faai3 zau6 gin3 dou2 nei5 go3 dyun6 wai4 si4 10 fan1 zung1 ge3 go3 jan4 show hoeng2 youtube jit6 bo3!

yān waih néih hóu faai jauh gin dóu néih go dyuhn wàih sìh 10 fān jūng ge go yàhn show héung youtube yiht bo!

冇錯,你而家只需要發哂癲咁不停咁分享,由facebook到高登,好快,全香港都會睇到呢條片,再好快,全世界都知道香港有一位咁有才能既人。

mou5 co3, nei5 ji4 gaa1 zi2 seoi1 jiu3 faat3 saai3 din1 gam2 bat1 ting4 gam2 fan1 hoeng2, jau4 facebook dou3 gou1 dang1, hou2 faai3, cyun4 hoeng1 gong2 dou1 wui5 tai2 dou2 ni1 tiu4 pin2, zoi3 hou2 faai3, cyun4 sai3 gaai3 dou1 zi1 dou3 hoeng1 gong2 jau5 jat1 wai2 gam3 jau5 coi4 nang4 ge3 jan4.

móuh cho, néih yìh gā jí sēui yiu faat saai dīn gám bāt tìhng gám fān héung, yàuh facebook dou gōu dāng, hóu faai, chyùhn hēung góng dōu wúih tái dóu nī tìuh pín, joi hóu faai, chyùhn sai gaai dōu jī dou hēung góng yáuh yāt wái gam yáuh chòih nàhng ge yàhn.

唔洗講,你可以上全美一叮表演,順手贏個獎番黎,贏番黎個筆錢你想點用我就唔理你啦。

m4 sai2 gong2, nei5 ho2 ji5 soeng5 cyun4 mei5 jat1 ding1 biu2 jin2, seon6 sau2 jeng4 go3 zoeng2 faan1 lai4, jeng4 faan1 lai4 go2 bat1 cin2 nei5 soeng2 dim2 jung6 ngo5 zau6 m4 lei5 nei5 laa3.

m̀h sái góng, néih hó yíh séuhng chyùhn méih yāt dīng bíu yín, seuhn sáu yèhng go jéung fāan làih, yèhng fāan làih gó bāt chín néih séung dím yuhng ngóh jauh m̀h léih néih la.

總之,一定要善用你既人字拖。

zung2 zi1, jat1 ding6 jiu3 sin6 jung6 nei5 ge3 jan4 zi6 to1.

júng jī, yāt dihng yiu sihn yuhng néih ge yàhn jih tō.

下一個百萬富翁,is you。

haa6 jat1 go3 baak3 maan6 fu3 jung1, is you.

hah yāt go baak maahn fu yūng, is you.