Chiuman · Reading room

報警

Choose a pronunciation system, or hide it and practise reading on your own.

講真,樓主你如果發出黎,我真係會報警,等警察上你屋企打個轉黎判斷你有冇犯法,我係認真,唔係講緊笑,你話我報警lun,正義lun,乜都好,隨便你。

gong2 zan1, lau4 zyu2 nei5 jyu4 gwo2 faat3 ceot1 lai4, ngo5 zan1 hai6 wui5 bou3 ging2, dang2 ging2 caat3 soeng5 nei5 uk1 kei2 daa2 go3 zyun3 lai4 pun3 dyun3 nei5 jau5 mou5 faan6 faat3, ngo5 hai6 jing6 zan1, m4 hai6 gong2 gan2 siu3, nei5 waa6 ngo5 bou3 ging2 lun, zing3 ji6 lun, mat1 dou1 hou2, ceoi4 bin2 nei5.

góng jān, làuh jyú néih yùh gwó faat chēut làih, ngóh jān haih wúih bou gíng, dáng gíng chaat séuhng néih ūk kéi dá go jyun làih pun dyun néih yáuh móuh faahn faat, ngóh haih yihng jān, m̀h haih góng gán siu, néih wah ngóh bou gíng lun, jing yih lun, māt dōu hóu, chèuih bín néih.

你有無想過你呢種一時之快會對當事人有幾大傷害?

nei5 jau5 mou4 soeng2 gwo3 nei5 ni1 zung2 jat1 si4 zi1 faai3 wui5 deoi3 dong1 si6 jan4 jau5 gei2 daai6 soeng1 hoi6?

néih yáuh mòuh séung gwo néih nī júng yāt sìh jī faai wúih deui dōng sih yàhn yáuh géi daaih sēung hoih?

傳左出去人地點見人,張相仲要咁清?

cyun4 zo2 ceot1 heoi3 jan4 dei6 dim2 gin3 jan4, zoeng1 soeng2 zung6 jiu3 gam3 cing1?

chyùhn jó chēut heui yàhn deih dím gin yàhn, jēung séung juhng yiu gam chīng?

你地班友可能就睇得好happy,人地分分鐘就躲係屋企喊。

nei5 dei6 baan1 jau2 ho2 nang4 zau6 tai2 dak1 hou2 happy, jan4 dei6 fan1 fan1 zung1 zau6 do2 hai2 uk1 kei2 haam3.

néih deih bāan yáu hó nàhng jauh tái dāk hóu happy, yàhn deih fān fān jūng jauh dó hái ūk kéi haam.

人有時好脆弱,個女仔有乜事的話,你良心過唔過意得去?

jan4 jau5 si4 hou2 ceoi3 joek6, go3 neoi5 zai2 jau5 mat1 si6 dik1 waa2, nei5 loeng4 sam1 gwo3 m4 gwo3 ji3 dak1 heoi3?

yàhn yáuh sìh hóu cheui yeuhk, go néuih jái yáuh māt sih dīk wá, néih lèuhng sām gwo m̀h gwo yi dāk heui?

我勸你放出黎之前三思一下,唔好受班花生友影響,呢度D人有野睇就唔會理他人感受,當中仲有成班小朋友字都未識得幾個,希望你可以作出獨立判斷,唔好助長網絡暴力,做埋晒D損人不利己的事。

ngo5 hyun3 nei5 fong3 ceot1 lai4 zi1 cin4 saam1 si1 jat1 haa5, m4 hou2 sau6 baan1 faa1 sang1 jau2 jing2 hoeng2, ni1 dou6 di1 jan4 jau5 je5 tai2 zau6 m4 wui5 lei5 taa1 jan4 gam2 sau6, dong1 zung1 zung6 jau5 seng4 baan1 siu2 pang4 jau5 zi6 dou1 mei6 sik1 dak1 gei2 go3, hei1 mong6 nei5 ho2 ji5 zok3 ceot1 duk6 laap6 pun3 dyun3, m4 hou2 zo6 zoeng2 mong5 lok3 bou6 lik6, zou6 maai4 saai3 di1 syun2 jan4 bat1 lei6 gei2 ge3 si6.

ngóh hyun néih fong chēut làih jī chìhn sāam sī yāt háh, m̀h hóu sauh bāan fā sāng yáu yíng héung, nī douh dī yàhn yáuh yéh tái jauh m̀h wúih léih tā yàhn gám sauh, dōng jūng juhng yáuh sèhng bāan síu pàhng yáuh jih dōu meih sīk dāk géi go, hēi mohng néih hó yíh jok chēut duhk laahp pun dyun, m̀h hóu joh jéung móhng lok bouh lihk, jouh màaih saai dī syún yàhn bāt leih géi ge sih.

P.S. 你果度我冇睇錯係黃大仙黎,要搵你住邊計下角度就知,IP 都唔洗check

P.S. nei5 go2 dou6 ngo5 mou5 tai2 co3 hai6 wong4 daai6 sin1 lai4, jiu3 wan2 nei5 zyu6 bin1 gai3 haa5 gok3 dou6 zau6 zi1, IP dou1 m4 sai2 check

P.S. néih gó douh ngóh móuh tái cho haih wòhng daaih sīn làih, yiu wán néih jyuh bīn gai háh gok douh jauh jī, IP dōu m̀h sái check